_{"هر نه یین باشلاماغی چتین دیر بیر آز دوز بو شئعر کیمی"}

_{بو، شعرلریمین بیریسی نین باشلانقیجی دیر. آنجاق بو نئت اوتاغیندا شعردن سؤز آچماغا هوسیم}

_{یوخ.دوغروسو هله هله بؤیوک شاعیر اولمادان اؤنجه، بیر پارا رسمی سایت لاردان و رسمی ییغیناجاقلاردان قاچقین دوشدویومو اعتراف ائدیرم.درنک لرده چاغریلان بویا بویا آدلار کیمی  قوندورما  دویغولار آز قالیر شعر دونیامی بله سین.}

_{نه ایسه...هر نه یین باشلاماغی چتین دیر دییه دوستلوقلار باشلانیر،ایشلر ،شعرلر،و یاشاییشلار باشلانیر دوغروسو.}

_{بو یازیا باشلاماق دا او سیرادان دیر.گونده لیک نوت دفتریمی ورق لییردیم.بیریسیله تانیشدیغیم گونون یازیسینا راستلاشدیم!.خاطره لر چوخ غریب بیر شئی لرمیش. اونلار آدامی دوز او لحظه لره آپاریب.آدیم آددیم قدم وورماغا چاغیریر ایستر-ایستمز.بویون کی دانیشدیقلاریمیز دا هر نه دن چوخ دونیانین دئیشدیینه و دونیانین قوردلار یوخ بلکه تولکولر یوردونا چئوریلدییندن سؤز آچیریق.}

_{دوغروسودا بئله دیر بلکه"بو شهر ده هر نه دن چوخ داش وار  شوشه اولسان سینماغا محکوم سان".اوشاقلارین معصوم دونیاسین چیخ! ،دیشاریدا نه لر گؤرونور نه لر!!!...}

_{اوغلانلار،قیزلار،کیشی لر، قادین لار،دوستلار،دوشمن لر و... بویا بویا سیاست لر همن کی دوننه جن مکر وحیله آدلانیردی.بوتون اینسانلارین آراسیندا ویروس کیمی چوخالیب وبیر گون دونیانی پارتلاتماق زوروندااولاجاغینی ایناناجاغیق.آنجاق هر دن تاپیلیر گلیر و تاپیر سنی تانیمادیغین یئرلردن اینانمادیغین یوللارلا ... بلکه ده ائله بو دا دونیامیزین بیر یازیلماز قایداسی .تانیشلیق لار بیر یانا نئجه تانیشمالار بیر یانا.}

_{بیز اینسانلار بو قارماقاریشیق دونیا دا بیری بیری میزدن نه ایسته ییریک ونه وئرمه یه حاضیریق؟بیزیم دوستلوق لاریمیزی و دوشمن لیک لریمیزی نه لر آییریر؟}

_{بیز  هانکی بوشلوقلاریمیزی دولدوروروق بیر بیریمیزله ؟نه قدر گؤزل لیک لری یاراتماغا ال آتیریق و نه قدر قارا فضالارین یارانماسیندا فایدالی اولوروق؟ بیز بیری بیریمیزین وطنداشییق می؟یوخسا شهر داشی؟یوخسا ان تانیش اؤزگه ییک؟سئوگی نی کیتابلاردان و شعرلردن دیشاری چیخاردا بیلریک می؟مهربانلیغی نئجه؟آنا بالا ایلگیلری کیمی اورجینال حیس لر یاشایا بیلریک می ؟}

_{یوخ –هه  کلمه سینی  آختارماق زوروندا دئیلم.یوخ لار و هه لرده اسکی لر کیمی دئیل .ایندی ان زهلن گئدیین آداما سلام وئریب اوزونه گولومسه ییرسن.ایندی قانیوا سوسوز اولان لار سنه گولوب سنه داریخدیقلارینی اعلان ائدیرلر.}

_{آنجاق دونیا چوخ دا بویوک دئیل.آنا آدلی بیر تانری جیق وار،دوست وار،قارداش وار،اونلار سنی بیر آن حیاتلا دولدورا بیلرلر.یاشام آدلی بیر دوزلو و یاز یاغیشی تک طراوتلی عنصرو سپه بیلرلر وارلیغینا.دونیادا هر آن دوم دورو گؤلجوک کیمی، اینسانلار وار کی سولاریندا اؤزونو گؤره بیلر سن. بئله جه سینه خاطیرلایا بیلرسن کیم سن؟و نئجه دیر احوالین!!!}